OKB konfirmon vdekjen e 28 anëtarëve të stafit të saj nga COVID-19

24/06/2020 09:54

Organizata e Kombeve të Bashkuara (OKB) të martën njoftoi se 28 anëtarë të stafit të saj kanë vdekur si pasojë e koronavirusit.

Drejtoresha e Shërbimeve për Informacion të OKB-së, Alessandra Vellucci tha se ata ishin mes 1.140 anëtarë të personelit që kishin kontraktuar virusin deri më 21 qershor.

Asnjë informacion tjetër nuk u dha.

Që nga shfaqja e saj në Wuhan të Kinës dhjetorin e kaluar, pandemia ka marrë më shumë se 480,000 jetë njerëzish në të gjithë botën.

Më shumë se 9,3 milionë raste janë raportuar në të gjithë botën ndërsa mbi 5 milionë pacientë janë shëruar, tregojnë shifrat e përpiluara nga Universiteti “Johns Hopkins” me qendër në SHBA.

Top Channel