Kuptimi i trekëndëshit të kuq të Donald Trump dhe arsyet përse Facebook hoqi postimin e presidentit

Në njoftim, grupi elektoral i Trump shkruante: “Banda të rrezikshme të majta po vërshojnë në rrugët tona duke shkaktuar mejhem.

Ata po shkatërrojnë qytete tona prandaj po ju kërkojmë që të bashkoheni me presidentin Trump kundër ANTIFA. Shënoni emrin tuaj për të etiketuar ANTIFA si Organizatë Terroriste.”

Postimi përfundon me një imazh të dukshëm të një trekëndëshi të kuq të përmbysur, që duket se ishte shkaku kryesor i heqjes së reklamës.

Kjo sepse trekëndësha të përmbysur përdoreshin nga nazistët gjatë Luftës II Botërore për klasifikimin e të burgosurve. Disa ngjyra të kësi trekëndëshave përdoreshin në mënyrë që nazistët të kuptonin “krimin” e kryer nga secili prej të burgosurve.

Në Memorialin e Holokaustit në SHBA thuhet se për shembull, një trekëndësh rozë vendosej në të burgosurit homoseksualë, kriminelët duhet të mbanin trekëndësh jeshil në uniformat e tyre, ndërsa të burgosurit për ideologji politike mbanin trekëndëshin e kuq.

Te këta të fundit përfshiheshin komunistët, social-demokratët, sindikalistët etj.

Por a përdorin protestuesit amerikanë të Antifa trekëndësh të kuq? Në një komunikim me AP News zëdhënësi i fushatës së Trump, Tim Murtaugh ka thënë se trekëndëshi i kuq i përmbysur është përdorur nga protestuesit Antifa, prandaj dhe është përdorur nga fushata presidenciale kundër tyre.

Kjo narrativë është përsëritur nga mbështetësit e Trump por nuk ka prova aktuale.

Facebook tha se kompania nuk lejon “simbole të ideologjisë së urrejtjes përveç kur ato dënohen dhe kur janë të vendosura në një kontekst”.
“Në një situatë të tillë ne nuk e lejojmë në platformë, kudo që kjo të përdorej ne do të merrnim të njëjtën masë”, tha kreu i sigurisë së kompanisë Nathaniel Gleicher.

Top Channel