Video/ Kuvajti shkatërron në ajër 32 dronë “armiqësorë”, Irani vazhdon të shënjestrojë objektivat kritike në vend 16/07 22:39
Skema e ngjyrave
Madhësia e shkrimit
Në një raport të fundit të grupit monitorues të armatimeve botërore në Stockholm thuhet se Izraeli ka shtuar numrin e kokave bërthamore nga 80 në 2019, në 90 në 2020.
Grupi tha se numri i vërtetë mund të jetë akoma më i lartë pasi shteti hebre nuk komenton mbi aftësitë e tij bërthamore.
“Ka një paqartësi të konsiderueshme mbi masën e arsenalit bërthamor të Izraelit dhe kapacitetet e tij ushtarake. Izraeli vazhdon politikën e tij të vjetër mbi fuqinë bërthamore të mos-komentimit, mos-mohimit apo konfirmimit,” thuhet në raport.
Izrael është një nga vetëm tre vendet bërthamore që nuk kanë nënshkruar traktatin ndërkombëtar bërthamor të vitit 1968, për mospërhapjen e armatimeve, së bashku me Indinë e Pakistanin.
Grupi monitorues beson se Izraeli zotëron rreth 30 bomba bërthamore të lëshuara thjesht me gravitet nga gjuajtësit e tij F-16, dhe rreth 50 mbushje bërthamore të lëshuara me raketa balistike, si ato të tipit Jericho III – me një rang prej 5,500 km.
“Është e mundur që dhe avionët izraelitë F-15 mund të luajnë rol në sulmet bërthamore por kjo është e pakonfirmuar”, tha raporti.
Dokumente të deklasifikuara tonë se Izraeli nisi akumulimin e arsenalit bërthamor rreth viteve 1960-të me asistencën e SHBA. Diçka e tillë kundërshtohej nga ish-presidenti amerikan John Kennedy dhe teori konspiracioni thonë se çështja ka lidhje me vdekjen e tij në 1963.
Top Channel
