Reagon Bylisi: Ja e vërteta me Vicente de Paula

“Jemi njohur me deklaratën e dhënë nga ana e lojtarit brazilian Vicente de Paula Mercedes dhe sqarojmë me prova dhe fakte se deklarata e tij është një mashtrim. Sa i përket pagave, lojtari ka ardhur në fundin e muajit janar, në muajin shkurt është paguar madje e provojmë edhe me mandate me rrogën e plotë, nga 1300 euro pagë bruto, i kanë kaluar në llogari 1018 euro pagë neto.

Siç edhe dihet, në muajin mars, për shkak të pandemisë, FSHF me një vendim të Komitetit Ekzekutiv, kaloi pagën në llogarinë e lojtarit, ashtu si do të kalojë edhe prillin, për Vicenten dhe çdo lojtar të Bylisit dhe skuadrave të tjera, sepse ka një vendim për të cilin jemi vënë në dijeni sapo u shpall situata e gjendjes së jashtëzakonshme. Ndërsa muajin maji s’e ka marrë askush sepse ende nuk është plotësuar afati. Lojtari Vicente edhe ditën e hënë, kur u grumbullua skuadra për të nisur stërvitjen, u paraqit në seancën e paradites, por nxori si pretekst se është i dëmtuar, ndërsa në seancën e pasdites nuk u paraqit fare në ambientet e stërvitjes, ndryshe nga pjesa tjetër e skuadrës. I është bërë rezonanca në Spitalin Amerikan për të parë gjendjen e tij dhe nga përgjigja rezulton se nuk ka asnjë dëmtim, duke mashtruar sërish! Sa i përket kontratës së Mercedes, ajo është dy vjeçare, ndërsa kur është paraqitur në Ballsh ka nxjerrë pretendimin se nuk e kishte lexuar mirë!

Lojtari ka njoftuar se ka pasur fatkeqësi familjare, i jemi gjendur pranë, por nuk është ndalur që të shkojë pranë familjes, sepse nuk e pengojmë, jo vetëm atë po asnjë, madje, ai nuk ka bërë asnjë kërkesë në klub. Ne i kemi qëndruar afër, e madje sapo na ka dhënë lajmin e kemi lënë pushim. Vicente dhe çdo futbollist, para se të dalë në media, për çdo problem e ka derën e hapur në klub dhe duhet që t’iu drejtohet instancave përkatëse, jo të dalë në media pa leje, duke shkelur etikën e klubit…”, – është reagimi i klubit ballshiot në faqen zyrtare.

#FKBYLIS

#FAQJAZYRTA

Top Channel