Përfshihet nga flakët një nga rafineritë më të mëdha në Indi, zjarri nisi pas një pas një shpërthimi të fortë 02/11 19:45
Skema e ngjyrave
Madhësia e shkrimit
Një doktoreshë ruse ka rënë në mënyrë të mistershme nga kati i gjashtë duke gjetur vdekjen, pasi ishte akuzuar se dështoi në ndalimin e epidemisë, në Zvyozdny Gorodok pranë Moskës, qyteza ku stërviten kozmonautët.
Deri tani vdekja e Natalya Lebedeva është klasifikuar si vetëvrasje.
Ngjarja vjen pasi më herët Dr Yelena Nepomnyashchaya ra nga dritarja e një spitali në Krasnoyarsk, pasi ishte ankuar për mangësi në materilet personale mbrojtëse ndaj koronavirusit.
Lebedeva ka qenë e përfshirë në trajtimin e ‘pacientit zero’ të qytetit, një nga stërvitësit më të njohur të kozmonautëve rusë.
Lebedeva po merrte trajtim në Moskë për koronavirusin, kur ra nga kati i gjashtë i Agjencisë Federale Biomjekësore.
Ajo drejtonte më parë njësinë e emergjencës në qendrën Zvyozdny Gorodok dhe pas infektimit besohej se kishte infektuar disa të tjerë mes stafit mjekësor.
Kolegët e saj thonin se doktoresha ishte përballur me akuza për mangësi në veprim nga eprorët e saj, në lidhje me infektimet e reja.
Nuk është e qartë nëse stërvitësi i kozmonautëve kishte pasur kontakt me astroautë të huaj që vinin në qendrën hapësinore të qytetit. Aty ishte stërvitur një grup ruso-amerikan astronautësh, para se të niseshin në hapësirë më 24 mars.
Vdekja e Lebedeva vjen pasi një tjetër doktoreshë ra nga dritaja e spitalit në Krasnoyarsk. Ajo mbijetoi dhe po trajtohet në spitalin e Krasnoyarsk.
Top Channel
