Franca vazhdon të ketë një numër të lartë rastesh të reja me koronavirus. Në 24 orët e fundit në Francë janë shënuar 2 mijë e 887 raste të reja duke e çuar në total numrin e rasteve në 187 mijë e 708.
Drejtori i përgjithshëm i Ministrisë së Shëndetësisë, Jerome Salomon, në një konferencë për media tha se 28.658 pacientë po trajtohen në spitale, përfshirë 4.870 në njësitë e kujdesit intensiv, duke shtuar se sot për të 16-tën ditë ka vazhduar të bie numri i të pacientëve në kujdes intensiv.
Ai njoftoi se në 24 orët e kaluara, 1.464 persona janë shëruar, me çka numri i përgjithshëm i pacientëve që e kanë mposhtur sëmundjen ka shkuar në 43.493. Salomon njoftoi se në 24 orët e fundit jetën kanë humbur 389 persona në spitale dhe shtëpitë e kujdesit për të moshuar, me çka numri i viktimave ka shkuar në 22.245, ndërsa prej tyre, 8.393 janë persona që kanë ndërruar jetë në shtëpitë e kujdesit.
Salomon tha se çdo ditë në Francë po kryhen nga 40 mijë teste. Franca është vendi i katërt në botë me më së shumti viktima nga virusi.
Top Channel
