Britania e Madhe izolon “me dhunë” të gjithë të moshuarit!
15/03/2020 11:14
Gjermania ngre pensionet në të gjithë vendin me 4.57%, si rrallëherë më shumë se inflacioni (fotot)
24/04 21:45
Britania e Madhe vendos të izolojë të gjithë moshat e thyera, janë apo s`janë të sëmurë.
Izolimi i banorëve të Britanisë së Madhe mbi 70 vjeç dhe vendosja e tyre në strehime të sigurta, do të ndodhë gjatë javëve të ardhshme, tha Sekretari britanik i Shëndetësisë, Matt Hancock. Ai sqaroi për “Sky News” se masa merret për mbrojtjen e kësaj kategorie të shoqërisë nga koronavirusi.
Qeveria britanike po përballet me presion të madh që të ndërmarrë masa për të luftuar Covid 19, pasi të shtunën, u konfirmua se numri i të vdekurve ka arritur në 21. Të gjithë personat që kanë vdekur nga virusi kanë qenë mbi 60 vjeç dhe që kanë pasur sëmundje të tjera. Masa për izolim do të nënkuptonte që personave do t`u kërkohet të qëndrojnë në shtëpitë e tyre dhe nuk do të lejonin asnjë vizitor, ndërsa ushqimet dhe gjërat e tjera elementare do t’u dërgohen në shtëpitë e tyre. Hancock u pyet nëse ai ka rekomanduar që të moshuarit të izolohen për katër muaj, ashtu siç kanë raportuar mediat.
“Ne do të vendosim për këtë dhe do të japim detaje kur të jetë koha e duhur”, tha ai. Numri i përgjithshëm i rasteve të konfirmuara me koronavirus në Mbretërinë e Bashkuar ka arritur në 1,140, teksa mbi 37 mijë persona janë testuar për sëmundjen Covid-19, që shkaktohet nga koronavirusi.
Top Channel
