Tensionet me SHBA-në, Venezuela miraton ligj me deri në 20 vite burg për pirateri dhe bllokada 23/12 22:52
Papa Françesku është detyruar sot të anullojë meshën në Romë me klerin pasi po vuan nga një “sëmundje e vogël”.
Megjithse Vatikani e përshkroi zhvillimin si një “mungesë dispozite” ngjarja ka shkkatuar panik pasi një ditë më parë kryeprifti 83-vjeçar ishte në sheshin Shën Peter duke puthur duart e duke prekur faqet e dashamirësve, duke thënë se donte të tregonte solidaritet me vuajtësit nga koronavirusi vrasës.
Kjo bëri që ai sot të mos marrë pjesë në eventin e rëndësishëm në bazilikën e San Giovani Lateran sot në mëngjes në Romë.
Një zëdhënës tha se Francesku do të vazhdojë impenjimet e tjera ditore pro brenda Vatikanit.
Nuk ka ende njoftime nga Vatikani për natyrën e sëmundjes së Papës por dje ai është parë duke teshtirë e duke u kollitur në Meshën e Hirit të mërkurën.
Italia është përfshirë nga epidemia e koronavirusit vrasës dhe disa qytete në veri janë bllokuar për ndalimin e përhapjes. Në Romë tre treja rastet e evidentuara janë shëruar.
Top Channel
