Putin kapet në befasi nga qytetarja e zhgënjyer: Si të jetoj me $170 në muaj?

20/02/2020 15:19

Në një video të shpërndarë në mediat sociale presidenti rus Vladimir Putin duket se është kapur në befasi teksa një qytetare e zemëruar është përballur me të duke i kërkuar llogari për të ardhurat e ulëta.

Gjatë vizitës së presidentit për 20 vjetorin e vdekjes së ish-shefit të tij, kryebashkiak i Shën Petersburg, Anatoly Sobchak, Putin nisi të mbrohej kur gruaja e pyet sesi duhet të jetojë me një rrogë prej 10,800 rubla ($170) në muaj.

“Nuk e kam unë fajin, ka rroga shumë më të larta. Presidenti nuk ka rrogën më të lartë,” tha ai.

Vëzhguesit në mediat sociale menjëherë bënë krahasimin e vjetër me shprehjen e famshme të ish-kryeministrit Dmitry Medvedev i cili në një situatë të ngjashme me pensionistët në 2016 u përgjigj “Para nuk ka, por ju duroni”.

Disa muaj para dorëheqjes së tij, Medvedev ishte në faqet e para të gazetave kur një pensioniste nga Siberia iu ul në gjunjë duke iu lutur të instalojnë ujin e ngrohtë në shtëpi.

FOTO GALERI
2/3

Top Channel