Bill Gates paralajmëron 10 milionë vdekje nëse Koronavirusi përhapet në Afrikë

19/02/2020 19:09

Sipëmarësi amerikan i teknologjisë Bill Gates ka paralajmëruar se koronavirusi nëse depërton në kontinentin afrikan, mund të mposhtë shërbimet shëndetësore dhe të shkaktojë një pandemi me 10 milionë vdekje.

Themeluesi i Microsoft po fliste në takimin një takim shkencor në Seattle vetëm disa orë para se rasti i parë i prekur nga Koronavirusi u konfirmua në Kajro, Egjipt.

Tani ekziston frika se sëmundja mund të përhapet në Afrikë ku mund të shkaktojë një shpërthim të pakontrollueshëm, me shërbime shëndetësore të paafta për të monitoruar ose kontrolluar virusin.

Gates tha: “Dua të flas për një temë të veçantë, që është kjo epidemi e fundit e koronavirusit. Kjo është një sfidë e madhe, ne gjithmonë e kemi njohur potencialin për një sëmundje të pandemisë të shkaktuar natyrshëm, ose e shkaktuar me dashje, dhe kjo është një nga gjërat e pakta që mund të prish sistemet shëndetësore dhe ekonomitë dhe të shkaktojë më shumë se 10 milionë vdekje – ndoshta edhe më shumë”.

“Kjo mund të jetë e vërtetë, veçanërisht nëse përhapet në zona si Afrikë dhe disa vende tjera të Azisë, dhe kjo mund të jetë shumë më dramatike”.
“Ne jemi duke bërë gjithçka për të siguruar mjetet për të bërë diagnozën dhe për të siguruar vaksina, për të siguruar terapeutikë dhe shpresojmë ta përmbajnë këtë epidemi, por është potencialisht një situatë shumë e keqe”, u shpreh Gates

Top Channel