Rusia sulm masiv ndaj infrastrukturës energjetike në Ukrainë/ Miliona njerëz pa energji elektrike 28/11 18:37
Edhe 39 njerëz të tjerë në bordin e kroçerës Diamond Princess në ujërat e Japonisë kanë rezultuar pozitivë për koronavirusin e ri vrasës Covid-19, thanë sot autoritetet teksa mijëra të tjerë në bordin e saj përgatiten për javën e dytë të karantinës.
Mjeti detar kishte fillimisht 3,700 pasagjerë dhe ekuipazh në bord dhe u kthye në njësinë më të dendur të virusit të sapoemëruar COVID-19 jashtë vendit të origjinës Kinë, ku tashmë ka vrarë më shumë se 1100 njerëz.
“Nga 53 rezultate të reja testimesh, 39 kanë rezultuar pozitivë,” tha ministri japonez i shëndetsisë Katsunobu Kato çka e çon numrin total të rasteve në anije në 174.
Kato shtoi: “Deri tani kemi konfirmuar se katër njerëz të shtruar në spital janë në gjendje të rëndë”.
Anija e krocerave Diamond Princess ishte vendosur në karantinë që prej mbërritjes në brigjet japoneze pasi virusi ishte zbuluar te një ish-pasagjer i saj që kishte zbritur nga anija në Hong Kong.
Kur mjeti mbërriti në Japoni, autoritetet testuan fillimisht 3000 njerëz dhe nisën gradualisht evakuimet e të infektuarave.
Pasagjerëve u është kërkuar të mbajnë maska e të ruajnë distancën nga njëri-tjetri kur janë jashtë.
Top Channel
