Gjykata la në burg vrasësin e dyshuar të nënës së tre fëmijëve të tij, Lulzim Cuku.
Ai ka pranuar se e ka vrarë bashkëshorten pasi dyshonte në tradhtinë e saj dhe prej disa muajsh mes tyre kishte debate dhe akte dhune. Viktima rezulton të ketë pasur dhe urdhër mbrojtjeje nga gjykata, po kjo mbrojtje, ashtu si dhe shumë raste të tjera të dhunës në familje, nuk i ka siguruar jetën.
Asnjë familjar nuk ka qenë i pranishëm në seancën kundër bashkëshortit vrasës. Lulzim Cuku vrau me thike bashkëshorten 33-vjeçare Manjola Cuku në Xhafzotaj, disa ditë më parë. Pas vrasjes autori i krimit u largua menjëherë nga vendi i krimit drejt vendit të origjinës, Dibrës, por më pas u dorëzua në komisariatin e policisë së Burrelit, ku pranoi se e qëlloi të shoqen për shkak të xhelozisë.
Dyshonte se kur ai shkonte në Greqi për të punuar, ajo mund ta tradhtonte pasi “ishte e bukur dhe më e re se ai”.
Top Channel
