Nga emisioni Open, Gazetari i Top Channel Muhamed Veliu i cili ka raportuar nga kryeqyteti britanik për shumë vite dha detaje të reja dhe të panjohura në lidhje me pengmarrjen e Jan Prengës.
“Kjo ngjarje është duke u ndjekur edhe nga disa gazetarë anglez të cilët kanë mundur të zbulojnë një detaj të panjohur deri më tani. Jan Prenga ka në Londër katër jo dy vëllezër siç është raportuar deri më tani. Dy prej tyre janë në burg. Ndrek Prenga i dënuar me 8 vite e 6 muaj burg dhe një tjetër identiteti të cilit nuk dihet ende. E ndërsa dy vëllezërit e Jan Prengës ndodhen në burg, ka dyshime të forta se dy të tjerët janë përfshirë në trafikun e kokainës si transportues për llogari të disa grupeve kriminale porositës të drogës”.
Po ashtu Muhamed Veliu ka folur edhe për rolin e policisë angleze në të gjithë këtë histori.
“Nga informacionet që kam nuk ka ndonjë ndihmë konkrete nga pala angleze. Nëse ata do ishin në dijeni të kësaj sasie kokaine që po hynte në Angli do ishin hedhur në operacion për ta kapur që në momentin kur ka ndodhur hyrja pasi bëhet fjalë për një sasi të konsiderueshme nëse është 283 kile kokainë siç është raportuar”.
Top Channel
