Mbeti jashtë planeve të Vllaznisë, Ristevski largohet nga Shkodra

09/01/2020 22:29

Tjetër largim i rëndësishëm nga Vllaznia në këto ditë të para të janarit. Klubi Shkodra ka zyrtarizuar “divorcin” me Aleksandar Ristevskin, që me sa kuptohet nga njoftimi i rastit, nuk i ka përmbushur pritshmëritë e stafit teknik gjatë pjesës së parë të sezonit.

“KF Vllaznia bën të ditur se pasditen e sotme ka ndërprerë kontratën me një tjetër futbollist, i cili nuk ka qenë në planet e stafit teknik për gjysmën e dytë të sezonit. Bëhet fjalë për mbrojtësin Aleksandar Ristevski. Me të është arritur marrëveshja përkatëse e mbylljes së bashkëpunimit.

KF Vllaznia e falënderon futbollistin Ristevski për kontributin e dhënë këto muaj për skuadrën tonë dhe i uron suksese në karrierën e tij të mëtejshme”.

Top Channel