Lajmet më të lexuara të vitit/ Media Britanike i kushton një shkrim Klement Çupit që vdiq në rrënoja
29/12/2019 09:15
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Top Channel ka vendosur që të risjellë lajmet më të lexuara të vitit 2019 dhe një herë në vëmendjen e lexuesve.
Klement Çupi, është identifikuar si një prej viktimave të tërmetit të fuqishëm që shkundi Shqipërinë, mëngjesin e 26 nëntorit. Çupi kishte vetëm dy ditë që ishte kthyer nga Anglia ku edhe punonte si taksist.
Media angleze “BanburyCake”, i ka kushtuar një artikull në të përditshmen e saj Çupit dhe familjarëve të tij, duke treguar edhe një episod mjaft të trishtë. Klementi ishte rikthyer në Shqipëri bashkë me të vëllanë për të festuar fejesën e vëllait të tyre të vogël Nikolini.
Në tërmetin tragjik, humbën jetën Klementi, babai i tij Hajredini dhe nëna Lute Çupi. Ndërsa vëllai i tij Nikolini ka mundur që të shpëtojë dhe po mbahet nën kujdesin e mjekëve në spital.
Sipas medias angleze, Klementi jetonte në qytetin e Oxfordit dhe kishte ardhur në këtë qytet në moshë mjaft të re si refugjat. Ai kreu studimet në qytetin e Oxfordit dhe për një kohë të gjatë punonte si menaxher në një Pub. Së fundmi Çupi kishte punuar si shofer taksie dhe gjithmonë është dalluar mes shokësh për zgjuarsinë dhe korrektësinë e tij.
Top Channel
