Pak para përfundimit të mandatit, Borrell jep paralajmërimin për luftën në Ukrainë: Jemi në garë me kohën 29/11 17:44
Catherine Deneuve, 76-vjeç, përjetoi një “sulm të lehtë në tru, i cili është reversibil”, tha sot familja e saj në një deklaratë të komunikuar nga agjenti i saj, Claire Blondel për AFP.
“Për fat të mirë, ajo nuk ka vështirësi motorike dhe, natyrisht, duhet të pushojë për një kohë,” shtoi i njëjti burim.
Aktorja e njohur u dërgua në një spital në Paris, njoftoi familja pa specifikuar detaje të tjera.
‘Le Parisien’ shkruan në edicionin e sotëm se aktorja kishte humbur vetëdijen gjatë natës së kaluar.
Ikona e filmit francez ka punuar për javë të tëra në filmin ‘De bir vivant’ të regjisorit Emmanuelle Bercot së bashku me Benoit Magimel dhe Cecile de France.
Ajo u bë e famshme në vitin 1964 në filmin e Jacques Demy ‘Umbrellas of Cherbourg’.
Deneuve u lind më 22 tetor 1943 në një familje aktorësh. Motra e saj e vogël Francoise Dorleac humbi jetën në një aksident automobilistik në vitin 1967, transmeton KosovaPress.
Top Channel
