Pezullohen dy mjekët, i kapi Fiks Fare në shkelje
01/11/2019 13:36
Ekskluzive/ Gjyqësori pa financa! Dosjet stok, Këshilli i Lartë ankohet se Ministria e Financave u bllokoi fondet
06/05 21:44
Pezullohen mjekët pas denoncimit në Fiks Fare, ku gjatë orarit të punës shërbenin në klinikat e tyre private.
Pas denoncimit të bërë në Fiks Fare një ditë më parë të abuzimeve që kryenin dy mjekët e spitalit bashkiak të Librazhdit, drejtoria e këtij spitali ka marrë masën e pezullimit nga detyra për ta dhe fillimin e hetimit administrativ.
Lajmi u bë i ditur nga Kryetari i grupit Parlamentar Socialist,z Taulant Balla, i cili falenderon emisionin investigativ Fiks Fare dhe njofton se masat e pezullimit u morën menjëherë pas publikimit të veprimeve abuzive të dy mjekëve Arben Dune dhe Kiço Stojani, të cilët drejtonin pacientët për të kryer analizat në dy laboratorët e tyre privatë.
Një ditë më parë Fiks fare tregoi me fakte sesi mjeku Arben Dune drejtonte pacientin për në laboratorin e tij privat për kryerjen e analizave të tiroides.
Ndërsa mjeku tjetër Kiço Stojani, i cili ndodhet gjatë orarit të punë në laboratorin e tij privat, ndryshon rezultatin e analizave për gazetarin e Fiks Fare, duke e nxjerrë pozitiv në testin e hepatitit B.
Fiks Fare/ Analiza në shtet?! Mjekët të çojnë në klinikat e tyre private
Top Channel
