Oficeri i sigurisë në shkolla/ Prej 2 vitesh projekti pilot në 150 shkolla të mesme
31/10/2019 11:52
E rëndë në Tiranë, 26-vjeçarja hidhet nga kati i pestë i pallatit ku banon 01/05 22:25
Për të siguruar mbarëvajtjen e procesit mësimor, në 150 shkolla, po zbatohet prej dy vjetësh projekti “Shkolla të sigurta”.
Ky projekt konsiston në caktimin e një oficeri sigurie në shkollë, i cili është jo vetëm mik i nxënësve, por edhe një hallkë e rëndësishme për mbarëvajtjen e procesit mësimor.
Ky projekt tashmë aplikohet në 150 shkolla të mesme të vendit. Oficerët e Sigurisë para se të dislokohen në institucionet arsimore, trajnohen në disa module multidisplinare si menaxhim situate, ndihma e shpejtë, psikologjia e të miturve e të tjera.
“Në fillim donim kohë të ambientoheshim dhe na dukej sikur ishte vetëm për të na survejuar. Eshtë ndihmë e madhe për ne. Më përpara në shkollë pihej duhan dhe lëndë narkotike brenda e jashtë shkollës, tani nuk ndodh më. Pirja e duhanit në shkollë nuk diskutohet fare. Zgjidh konfliktet, shërben edhe si psikologe. Merret me gjëra që kanë lidhje që nga uniforma deri te celularët në orën e mësimit. Fjala e saj, merret e mirëqenë nga ana jonë”, shprehen nxënësit.
“Oficerja e sigurisë nuk e zëvendëson rolin e mësuesit dhe psikologut, por ndihmon në parandalimin e dukurive si dhuna, bullizmi, përdorimi I drogës, menaxhimin e krizave dhe ngacmimeve”, thotë drejtoresha e shkollës.
“Në fillim më shihnin si roje burgu, ose gardiane, por tani jam e lumtur që e kanë kuptuar rolin tim dhe kam gjithë bashkëpunimin e synuar”, deklaron oficerja e sigurisë, Xhesika Grëmi.
Top Channel
