Gjyqi për kokainën, shtyhet sërish seanca për Arbër Çekajn
29/10/2019 10:34
Hetimet në Kadastër/ GJKKO jep masat për katër punonjës, detaje nga aksioni i SPAK, kush ra në prangat e policisë (Emrat) 26/04 23:37
Është shtyrë sërish seanca në Gjykatën e Krimeve të Rënda, për tre të akuzuarit mbi trafikimin e 613 kilogramë kokainë nga Kolumbia në drejtim të Shqipërisë, saktësisht Arbër Çekaj, Armando Pezakun dhe Donaldo Lushajn
Mësohet se seanca ndaj administratorit të kompanisë Arbi Garden, në kontenierët e së cilës u gjet droga, si dhe për dy të akuzuarit e tjerë u la për në datën tetë nëntor, pasi mungonin avokatët.
613 kg e kokainës, të fshehura në banane, u kapën në mars të vitit të kaluar në portin e Durrësit, ngarkesë e cila po shoqërohej nga shoferi Armando Pezaku dhe menaxheri i “Arbri Garden”, Donaldo Lushaj, të cilët u paraqitën për të kryer zhdoganimin.
Arbër Çekaj u ekstradua kohë më parë nga Gjermania, ku u arrestua dhe më pas kërkoi azil me pretendimin se në Shqipëri i rrezikohej jeta. Gjithsesi, autoritetet gjermane vendosën ta rikthejnë në Shqipëri.
Top Channel
