Dokumentari i “RAI 3”, gazetarët italianë grevë kundër qeverisë: Na ndërhyjnë në punë! Sindikatat të përçara: Është politike 26/04 12:07
Presidenti i Francës, Emmanuel Macron tha sot në Bruksel se një marrëveshje midis BE-së dhe Britanisë së Madhe për Brexit-in e rregulluar ishte një lajm i mirë, por theksoi se duhet të tregohet kujdes pasi që i takon parlamenteve të shteteve anëtare të ratifikojnë marrëveshjen.
“Marrëveshja duket si një kompromis i mirë, por kënaqësia jonë duhet të shoqërohet me kujdes të arsyeshëm, sepse siç kemi parë tashmë, parlamentet mund të mos pëlqejnë marrëveshjen,” tha Macron.
Ai shtoi se dëshironte të besonte se kryeministri i Britanisë së Madhe, Boris Johnson do të kishte një shumicë që do të mbështeste këtë marrëveshje të rishikuar në Parlamentin britanik.
Duke ardhur në samitin e BE në Bruksel, Emmanuel Macron nuk e trajtoi çështjen e politikës së zgjerimit dhe hapjen e negociatave të pranimit me Shqipërinë dhe Maqedoninë Veriore, të cilat u bllokuan praktikisht nga Franca në Këshillin e BE-së dhe për këtë arsye u vendosën në agjendën e samitit
Top Channel
