Sulme izraelite në Gaza, humbin jetën 32 persona, mes tyre edhe fëmijë 31/01 20:49
Presidenti amerikan, Donald Trump, po jepte një fjalim përpara rinisë konservatore në Uashington DC, kur në ekranin pas tij u shfaq një sfond me logon presidenciale të manipuluar me simbole ruse.
Logoja që u shfaq ishte modifikuar në mënyrë të tillë që në vend të shqiponjës amerikane të shfaqej shqiponja e logos perandorake ruse.
Kthetrat po ashtu ishin manipuluar, dhe në njërën ishin vendosur parà, në tjetrën shkopinj golfi. Në vend të motos së SHBA-ve në latinisht “e pluribus unum” ishte shkruar në spanjisht “45 është kukull”.
Organizatorët e tubimit thanë fillimisht se nuk e kishin idenë se si ishte bërë e mundur shfaqja e emblemës së manipuluar, por më pas u mësua se bëhej fjalë për një gabim njerëzor. Emblema ishte vendosur nga një prej organizatorëve që e kishte kërkuar në internet me nxitim, në minutën e fundit, dhe nuk e kishte vënë re ndryshimin. Edhe nuk ishte bërë me keqdashje, personi në fjalë u shkarkua nga detyra.
Top Channel
