Kandidat për SPAK-un, caktohet data e vetting-ut për Vladimir Marën
10/06/2019 19:23
Pas ankesave dhe hijeve të skandalit në provimin e magjistraturës, flet drejtori i shkollës: Ndodhi një gabim, por e kishte pajisja 25/04 11:52
Prokurori i Krimeve të Rënda, Vladimir Mara do i nënshtrohet procesit të rivlerësimit më 12 qershor, në orën 12:00. Njoftimi është bërë publik nga Komisioni i Pavarur i Kualifikimit.
Trupa gjykuese përballë së cilës do të dalë prokurori Mara përbëhet nga: Pamela Qirko, Firdes Shuli, Alma Faskaj.
Vladimir Mara, pjesë e Prokurorisë së Krimeve të Rënda, është një prej dy prokurorëve që ka në dorë edhe dosjen ‘339’, materialet e së cilës e kanë futur vendin në një krizë të thellë politike.
Mara është edhe një prej 24 kandidatëve për t’u bërë pjesë e Strukturës së Posaçme Antikorrupsion dhe Kundër Krimit të Organizuar dhe KLP po i trajton me prioritet kandidatët në mënyrë që të ngrihet sa më shpejtë ky institucion i ri i drejtësisë në Shqipëri.
Donika Prela, Dritan Prençi, Arben Kraja, Edvin Kondili dhe Eneid Nakuçi janë kandidatët për SPAK që janë konfirmuar në detyrë pas procesit të vetting-ut. Ndërkohë që për Shkëlzen Cenën, gjithashtu kandidat për SPAK-un, vendimi i KPK-së do të bëhet publik më 14 qershor.
Top Channel
