BE ndjek shembullin “Meloni”? Diskutohet një marrëveshje me Libanin për të përballuar fluksin e emigrantëve 02/05 12:12
Anëtarë të “Lëvizjes 5 Yjet” në Itali kanë mbështetur fuqishëm udhëheqësin Luigi Di Maio për lidershipin e partisë, pas humbjes së rëndë në zgjedhjet për Parlamentin Europian.
Di Maio ka fituar mbështetjen e 80 për qind të anëtarëve të “5 Yjeve” që morën pjesë në votimin e mocionit të mosbesimit, të zhvilluar në platformën “online” të partisë, të njohur si “Rousseau”.
Udhëheqësi 32-vjeçar Di Maio kërkoi votëbesimin pasi “Lëvizja 5 Yjet” mori vetëm 17 për qind të votave në zgjedhjet e së dielës së kaluar, gati gjysmën e mbështetjes që siguroi partneri tjetër i koalicionit, Lega nord, duke shkaktuar kësisoj sulme të brendshme ndaj lidershipit të tij.
Partia merr disa prej vendimeve kyçe përmes votimit “online” nga anëtarët e saj, ndërkohë që i quajti zgjedhjet “një prej faqeve më të ndritura të historisë së Lëvizjes 5 Yjet sa i përket demokracisë së drejtpërdrejtë”.
Pas shpalljes së rezultatit, Di Maio premtoi “një riorganizim të thellë” të partisë, ndërsa tha se vendimin e tij të parë do ta prezantojë këtë të premte. Ndërkohë, senatori premtues i “5 Yjeve”, Gianluigi Paragone u shpreh të mërkurën se Di Maio kishte marrë shumë pushtet në parti dhe shumë role në qeverisje.
“Nëse vepron si një Supermen, duhet ta demonstrosh që je realisht një i tillë”, tha ai për “Corriere della Sera”.
Veç kreut të “5 Yjeve”, Di Maio është zv.kryeministër i Italisë, ministër i Industrisë dhe ministër i Punës në qeverinë e formuar qershorin e vitit të kaluar.
Top Channel
