Dronët ukrainas godasin objektet e energjisë dhe karburantit, shpërthen në flakë rafineria ruse e naftës 24/04 14:02
Papa Françesku mbërriti në Bullgari për tu takuar me komunitetin e vogël katolik të vendit. Kryeministri bullgar Bojko Borisov e priti Papën argjentinas në aeroport se bashku me pjesëtarë të kabinetit, duke përshëndetur vizitën që e ka vendosur në qendër të vëmendjes ndërkombëtare vendin ish-komunist, të bashkuar bllokut europian në 2007-ten, por bashkë me të, edhe të gjithë Ballkanin.
Turneu tre-ditor do ta çojë Françeskun edhe në Maqedoni Veriore. Ky rrugëtim përfshin dhe një ndalesë në një kamp refugjatësh në periferi të Sofjes dhe një shërbese përkujtimore në nderim te Nënë Terezës. Borisov e përshëndeti me forcë këtë vizitë, duke thënë se “ajo pasqyron interesin e kreut të kishës katolike për një zhvillim paqësor e ekonomik të Ballkanit”.
Ajo përben gjithashtu një ndryshim të mirëpritur për administratën e Borizovit, e cila ka parë disa anëtarë të lartë të saj te zhyten në një seri skandalesh të pasurive të paluajtshme këto javët e fundit. Françesku vetë, papati i të cilit ashtu si ai i paraardhësit, nuk i ka shpëtuar dot tronditjes së shkaktuar prej akuzave të abuzimit seksual të priftërinjve më të mitur, e ka kthyer në prioritet të tij përmirësimin e dialogut ndërfetar, megjithatë Sinodi i shenjte i kishës ortodokse bullgare e kundërshtoi idenë e pjesëmarrjes në një lutje të përbashkët për paqen, që është planifikuar të mbahet të hënën në një shesh të Sofjes.
Top Channel
