Hezbollahu sulmon Izraelin me 250 raketa dhe predha! 24/11 20:21
Presidenti i Turqisë, Recep Tayyip Erdogan, konfirmoi se vendi i tij do ta blejë sistemin mbrojtës raketor nga Rusia.
Pavarësisht paralajmërimeve të përsëritura nga Shtetet e Bashkuara të Amerikës, Erdogan tha se furnizimet me sistemin S-400 do të nisin në korrik. Një ditë më herët, zëvendëspresidenti i SHBA, Mike Pence kishte paralajmëruar se Turqia po rrezikon anëtarësinë e saj në NATO nëse e blen sistemin rus, që për Uashingtonin është një kërcënim për avionët amerikanë.
Sidoqoftë, Presidenti turk tha se Ankaraja e ka shqyrtuar më herët edhe blerjen e sistemit raketor amerikan Patriot, por se oferta e SHBA-së “nuk ka qenë e favorshme si ajo e Rusisë”.
Ankaraja po krijon lidhje më të ngushta me Rusinë pas përkeqësimit të marrëdhënieve të saj me SHBA-në dhe Evropën. Turqia ka ushtrinë e dytë më të madhe në NATO. Marrëdhëniet midis NATO-s dhe Rusisë janë përkeqësuar pas aneksimit të gadishullit ukrainas të Krimesë nga Moska, në vitin 2014.
Top Channel
