Në vitin 2030 Tirana do ta transformojë të gjithë shërbimin e transportit publik për qytetarët. Gjatë prezantimit të shërbimeve të reja të aplikacionit “Tirana Ime”, kryetari i Bashkisë së Tiranës, Erion Veliaj tha se synohet që flota e taksive në kryeqytet do të jetë 100% elektrike ose hibride, të cilat do të sjellin më pak ndotje.
“Përveç 2 milionë pemëve, kemi vendosur si target që 100% e taksive do të jenë elektrike ose hibride brenda vitit 2025. Në fakt tashmë jemi mbi gjysmën e taksive që operojnë sot në tiranë elektrike ose hibride. Kështu që unë besoj do ta kapim këtë target të OBSH shumë më përpara se sa të vijë 2025”, theksoi ai.
“100 për qind e autobusëve do të jene elektrik brenda vitit 2030, një operacion që e fillojmë tani dhe që do të kemi 11 vite kohë që çdo vit të ndryshojë flota. Një autobus elektrik sot kushton gjysmë milionë euro. Do të na duhet të kemi kreativë dhe në mënyrën se si do të financojmë edhe projekte të tilla”, shtoi Veliaj.
Top Channel
