Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
“Qëkur e pashë për herë të parë, më rrinte mendja vetëm që duhej ta vrisja”, rrëfeu më në fund maniaku 16-vjeçar britanik, pasi e kishte mohuar krimin për shumë kohë, duke akuzuar madje babain e viktimës, i cili ishte ndarë nga mamaja e vajzës.
Gjashtë-vjeçarja Alesha MacPhail ndodhej te shtëpia e gjyshërve të saj. Vrasësi hyri fshehurazi në shtëpi, gjatë natës, dhe e mori vajzën në krahë, nga shtrati ku po flinte, duke i thënë se ishte një shok i babait.
Mamaja dhe prindërit e saj e raportuan zhdukjen menjëherë, dhe pas dy orësh e gjysmë kërkimesh, trupi u gjet i fshehur në pyll, i masakruar me 117 plagë në trup. Policja që dëshmoi në gjyq për kushtet se si ishte gjetur trupi, nuk i mbante dot lotët: “I kishte shkaktuar dhunën më të tmerrshme që mund t’i shkaktohet një qenieje njerëzore. Gjëra nga më mizoret.” tha ajo.
Ndërkohë, vrasësi Aaron Campbell buzëqeshte teksa dëgjonte këto fjalë, gjë që e bëri gjykatësin të ndërpresë seancën e t’i tërheqë vëmendjen. Më pasi i dha dënim të përjetshëm, dhe të drejtën për të kërkuar ulje dënimi do ta ketë vetëm pas 27 vitesh.
Top Channel
