Protestat në kampusin e Universitetit të Kolumbias, efekticvi i policisë qëllon aksidentalisht me armë 03/05 22:59
Ekonomia kineze shënoi nivelin më të ngadaltë të rritjes në dekada. Të dhënat zyrtare tregojnë se, ekonomia e dytë më e madhe e botës u rrit me 6.6% në vitin 2018, performanca më e dobët kjo që prej viteve ’90.
Rritja kineze e humbi vrullin në vazhdën e përpjekjeve të qeverisë për të frenuar nivelet e larta të borxhit, por edhe faktit që ka nisur të ndiejë efektet e luftës tregtare me Shtetet e Bashkuara të Amerikës.
Konflikti mes dy gjigantëve rezultoi me tarifa të reja prej më shumë se 250 miliardë dollarësh mbi eksportet kineze.
Përkeqësimi i situatës, në një treg tek i cili mbështeten biznese nga i gjithë globi, me shumë gjasë do të ketë ndikim të zgjeruar. Ai po tremb investitorët dhe ka detyruar kompani të mëdha si “Apple” të bëjnë paralajmërime për gjendjen e krijuar.
Të dhënat nuk dilnin jashtë kornizës së pritshmërive, por ato nënvizojnë shqetësimet e fundit mbi dobësimin e rritjes ekonomike të vendit, si dhe pasojave që mund të ketë ajo në ekonominë globale.
Top Channel
