“Hëna ka hyrë në një epokë të re”/ Paralajmërimi i shkencëtarëve: Njerëzit po dëmtojnë seriozisht satelitin, me këto ritme… 14/01 23:23
Audi prodhon “Audi-Airbus Pop-Up” në “Drone Week” të Amsterdamit, ku në bashkëpunim me “Italian-design” kanë prezantuar për herë të parë një prototip fluturues dhe me drejtim autonom.
Në provën publike të fluturimit, “maxi-drone” ka vendosur me precizion një kapsulë pasagjerësh mbi tokë dhe më pas është drejtuar në një destinacion të përcaktuar.
Testi ka qenë befasues, sepse ideja për t’i shpëtuar trafikut është ëndrra e kujtdo! Por, sa realitet ka në gjithë këtë projekt? Shumë dhe jo vetëm për kalibrin e markave në lojë. Vazhdon në fakt evolucioni i konceptit të shfaqur për herë të parë në vitin 2017 në sallonin e Gjenevës.
Pas 10 vitesh parashikohet që ky lloj prototipi mund të aplikohet masivisht në terrenin e transportit urban multimodal.
“Taksitë fluturuese janë duke ardhur”, tha Bernd Martens, president i “Italdesign” dhe “Audit”. Nga pikëpamja teknike, “Pop-Up” përbëhet nga një shasi autonome me rrota, bateri elektrike dhe përmban një kabinë pasagjerësh me dy vende të shkëputshme.
Kur është koha për të fluturuar, një modul fluturimi i projektuar nga “Airbus” i afrohet tokës, rrok kabinën dhe e merr me vete. Sipas Audit, shasia “Pop-Up” mund të udhëtojë 31 milje në tokë dhe moduli i fluturimit mund të udhëtojë 81 milje në ajër.
Por, jemi vetëm në fillim: zhvillimet mund të jenë të paparashikueshme.
Top Channel
