Në fushën e sportit në Laprakë nuk do të ndërtohet pallat. Këtë e ka konfirmuar kryetari Bashkisë Erion Veliaj gjatë dëgjesës publike për buxhetin e bashkisë gjatë vitit 2019.
“E paimagjinueshme çfarë pafytyrësie kanë ata që menaxhuan për katër vite Laprakën dhe Tiranën, që menaxhuan gjykatat, që e falën tokën në gjykatë dhe sot bëjnë sikur përvëlohen për qytetarët, ndërkohë që i kishin bërë planet dhe fituar gjyqet, siç u donte qejfi. Lajmi i mirë për qytetin, për Laprakën, dhe lajmi i keq për gjumin, kunatin dhe dhëndrin, është se fusha do të shpronësohet nga Bashkia e Tiranës, do t’i ngelet publikut të Laprakës dhe do të kemi terrenin sportiv, që gjithmonë e kemi pasur mes nesh, por që me letra dhe me plan urbanistik, u deformua. Kam një pyetje: Si do të kthehen ata në Laprakë, pasi e kishin Laprakën, e kishin fushën dhe e çuan për pallate, pasi e kishin këtë komunitet për t’i bërë gjitha këto punë dhe nuk vijnë as në mbledhjet e Këshillit Bashkiak?”, tha Veliaj.
Duke akuzuar opozitën për barrierat që ka vendosur në mbledhjet e Këshillit Bashkiak që lidhen me miratimin e një sërë vendimesh të rëndësishme për kryeqytetin, Veliaj u kërkoi qytetarëve të njësisë numër 11 që të votojnë partinë socialiste në zgjedhjet e ardhshme në mënyrë që të sigurohet shumica e këshilltarëve të majtë.
“Partia Socialiste do të fitojë bindshëm në të 61 bashkitë e vendit, pasi është e vetmja forcë që fjalët i kthen në vepra. “. Ne socialistët, por edhe miqtë tanë të djathtë, që e kuptojnë se këto zgjedhje janë kush të mbaron punë dhe jo për ideal të partisë, do të fitojmë bindshëm jo vetëm në Tiranë, në Laprakë, në Kodër Kamëz, Institut dhe kudo tjetër, që njerëzit të kenë shansin të shikojnë të mirat e këtyre investimeve në çdo komunitet”, tha Veliaj.
Sa i përket investimeve në infrastrukturë, kryebashkiaku Veliaj tha se me buxhetin e ardhshëm do të ndërhyhet në gjithë bllokun rreth shkollës “Isa Boletini”, zonën e Kodër Kamzës,
Një tjetër investim i rëndësishëm nga i cili do të përfitojnë gjithë fëmijët dhe të rinjtë e Njësisë 11 është projekti i ndërtimit te 5 shkollave të reja.
Top Channel
