FOTO/ Nga prezantimi i motit në “Onlyfans”, modelja meksikane nuk i lë vend imagjinatës së fansave me hiret bombastike
22/11 21:42
Turistët, që shpresojnë të vizitojnë gjirin e famshëm Maya në Tajlandë, do të duhet të presin gjatë për të shkelur në brigjet e tij të bardha.
Destinacioni i famshëm duhej të rihapej këtë muaj, pas një ndalimi të përkohshëm të turistëve. Por, zyrtarët tajlandezë bënë të ditur se gjiri do të mbetej i mbyllur pa afat.
I bërë i famshëm nga “The Beach”, një film i vitit 2000 me Leonardo DiCaprio, “Maya Bay” ka qenë i paarritshëm që nga 1 qershori, si pjesë e atij që pritej të ishte një program katërmujor rimëkëmbjeje, që synonte të ndihmonte koralet e dëmtuara të zonës.
Por, zyrtarët thonë tani se ekosistemi detar do më shumë kohë që të rimëkëmbet.
Pjesë e një parku kombëtar tajlandez, “Maya Bay” është një atraksion i madh turistik, falë edhe suksesit të “The Beach”, që është filmuar atje.
Tajlanda mbyll rregullisht parqet kombëtare dhe ishujt për arsye të ndryshme, nga moti ekstrem e deri te rimëkëmbja ekologjike, por kjo është hera e parë që një masë e tillë merret në gjirin Maya të shumëvizituar.
Top Channel
