“Luajtja bixhoz me marrëdhëniet me aleatët nuk i bën nder Kosovës”, Presidentja Osmani ashpërson gjuhën ndaj Kurtit: Asnjëherë s’i kam kuptuar talljet ndaj partnerëve
21/11 12:00
Prishtina është mbushur me tubues të mbërritur edhe nga qytete të tjera të vendit për të mbështetur nismën e lëvizjes Vetëvendosje, organizatorja e protestës masive kundër korrigjimit të kufijve.
Tubimit i janë bashkuar edhe punëtorë të minierës së Trepçës, të cilët marshuan drejt kryeqytetit me flamuj në duar. Reagimi ndaj thirrjes së Vetëvendosjes, ka qenë i madh.
Presidenti i Kosovës Hashim Thaçi, ndërkohë ndodhet në veri të Mitrovicës. Kosovapress thotë se kreu i shtetit është atje prej disa orësh e pritet të mbajë një fjalim.
Masa të shtuara janë marrë për sigurinë e tij, përfshirë dhe praninë e njësisë speciale ROSU. Pikërisht ndaj kësaj prezence ka reaguar presidenti i Serbisë, Aleksander Vuçiç.
Mediat serbe raportojnë se ai i ka kërkuar ushtrisë të vendoset në gatishmëri të lartë për shkak se ROSU gjendet në Ujman. Sondazhet më të fundit ndërkohë tregojnë se 77,6% e qytetarëve të Kosovës janë kundër idesë së shkëmbimit të territoreve, e madje atë nuk e mbështesin as serbët dhe pakicat e tjera në vend.
Pakënaqësia e qytetarëve sipas raportit është shprehur edhe në mënyrën sesi Presidenti Thaçi, po drejton procesin e bisedimeve dhe po ashtu edhe qëndrimi o mbajtur prej opozitës.
Top Channel
