Kur dhe si do të numërohen votat në zgjedhjet amerikane? Çfarë mund të ngadalësojë procesin 05/11 21:53
Presidentët e Turqisë, Iranit dhe Rusisë nuk arritën të bien dakord mbi një armëpushim që do të parandalonte një ofensivë të qeverisë siriane në provincën Idlib të mbajtur nga rebelët, për të cilën Kombet e Bashkuara kanë frikë se mund të shkaktojnë një katastrofë humanitare që përfshinte dhjetëra mijëra civilë.
Tayyip Erdogan, Vladimir Putin dhe Hassan Rouhani u takuan në Teheran për një samit të aktorëve kryesorë të huaj në luftën e Sirisë dhe ranë dakord në një deklaratë përfundimtare se nuk mund të kishte zgjidhje ushtarake për konfliktin dhe se gjithçka mund të përfundonte vetëm përmes një procesi negociatash politike.
Por ndërsa qeveria siriane dhe avionët luftarakë rusë sulmuan nga ajri Idlibin të premten në mëngjes në një prelud të mundshme për një ofensivë të plotë, Putini dhe Rouhani u pozicionuan kundër thirrjes së Erdoganit për një armëpushim.
Udhëheqësi turk tha se kishte frikë nga një masakër dhe Turqia nuk mund të strehonte më refugjatë që vërshojnë mbi kufirin e saj thuajse çdo ditë.
Putin tha se një armëpushim do të ishte i pakuptimtë pasi nuk do të përfshinte grupe militante islamike që i konsideron terroristë, ndërsa Rouhani tha se Siria duhet të rifitojë kontrollin mbi të gjithë territorin e saj.
Idlibi është i vetmi bastion i madh i mbetur nën kontrollin e kryengritësve dhe një ofensivë qeveritare mund të jetë beteja e fundit vendimtare e luftës.
Teherani dhe Moska e kanë ndihmuar Assadin ta kthejë rrjedhën e luftës kundër një sërë kundërshtarëve që shkojnë nga rebelët e mbështetur nga Perëndimi tek militantët islamikë, ndërsa Turqia është një mbështetës i opozitës dhe ka trupa ushtarake në vend.
Diskutimet e tyre në Teheran shënojnë një pikë vendimtare në një luftë shtatëvjeçare e cila ka vrarë më shumë se gjysmë milioni njerëz dhe ka detyruar 11 milionë të tjerë të ikin nga shtëpitë e tyre.
Top Channel
