Kuzhinierja Fabiola Sulmina për emisionin në “Në Shtëpinë Tonë” ka realizuar një Pancake me kikirikë te pjekur.

Përbërësit për Pancake: Kikirikë, Miell, Dy vezë, Sheqer, Qumësht, Gjalpë, Pana dhe Kripë.

Përgatitja: Fillimisht në një enë qelqi hedhim miellin, dy vezë, sheqerin, gjalpin dhe i rrahim, më pas i shtojmë dhe pak qumësht derisa të bëhet një kompakt i trash.

Ndërkohë që brumi pushon pak, bëjmë pjekjen e kikirikëve me lëvore në mënyrë që të lëshojnë sa më shumë aromë. Kikirikët e pjekur i furlojmë bashkë më pak kripë dhe i bashkojmë me brumin.

Më pas tek soba bëjmë njëkohësisht pancake-t dhe krem karamelin e kripur me kikirikët.

Në një tigan që kemi lënë të ngrohet më përpara, shtojmë brumin e pancak-ut për të pjekur dhe në një tenxhere hedhim sheqerin për t`u shkrirë ne mënuyrë që të merremi me përgatitjen e krem karamelit, sa të marri ngjyrën e art, i shtojmë, gjalpin, panën, kripën dhe kikirikët e pjekur.

Ndërkohë që kremi do jetë gati, ne kemi bërë dhe tre katër copë pancake.

Në pjatë vendosim pancak-ët një mbi një dhe mbi to hedhim kremin që kemi bërë më kikirikë, në fund i hedhim dhe pak sheqer pluhur.

Ju bëftë mirë!

Top Channel