Facebook para Kongresit. Zuckerberg do të japë dy herë llogari
10/04/2018 08:50
Gjermania ngre pensionet në të gjithë vendin me 4.57%, si rrallëherë më shumë se inflacioni (fotot)
24/04 21:45
Mark Zuckerberg përgatitet për testin e tij më të madh deri tani si shef ekzekutiv i Facebook-ut, pasi përballet jo me një, por me dy seanca dëgjimore në Kongres.
Disa i shohin këto seanca si teatër politik, megjithatë, e vërteta mbetet se asnjëherë më parë nuk ka pasur një qasje kaq të drejtpërdrejtë ndaj këtij njeriu, të mbështjellë në mburojën e rehatshme të ekipit të vet të PR-it dhe zëvendësve të shumtë.
Bashkëthemeluesi i gjigandit të rrjeteve sociale, në mënyrë të pashmangshme do të “kryqëzohet” me pyetje mbi privatësinë e të dhënave, e fokusi do të jetë mbi të gjitha tek skandali i Cambridge Analytica. Pyetje të vështira do të përplasen mbi Zuckerbergun edhe mbi ndërhyrjen në zgjedhje, si dhe të ardhmen e vetë Facebook-ut.
Një ditë më parë, ai vetë kërkoi ndjesë për incidentin që çoi në vjedhjen e të dhënave personale të miliona përdoruesve. Në një dëshmi me shkrim drejtuar ligjvënësve amerikanë, ai tha se rrjeti i mediave sociale duhet të kishte bërë më shumë për të mos lejuar keqpërdorimin e informacionit.
Pas problemeve të shumta rreth asaj se si kompania e trajton informacionin personal dhe për faktin që lejon potencialisht përhapjen e të ashtuquajturave lajme të rreme, amerikanët po e humbasin me shpejtësi besimin te Facebook-u.
Italia ndërkohë i kërkon dëmshpërblim, me argumentin se profilet italiane të përdorura nga Cambridge Analytica kanë përfunduar edhe në shënjestrën e mesazheve mbi racizmin dhe emigrantët.
Top Channel
