Sherr për hapësirën e bagazheve, pasagjerët përleshen dhunshëm pak minuta para ngritjes së avionit në Kolumbi 06/11 20:48
Skema e ngjyrave
Madhësia e shkrimit
Presidenti amerikan Donald Trump ka njoftuar një ndryshim të rëndësishëm në drejtimin e administratës së tij. Stephen Miller, aktualisht zëvendësshef i stafit dhe një prej këshilltarëve më të besuar të presidentit, do të marrë detyrën e shefit të stafit në Shtëpinë e Bardhë.
Lajmin e bëri të ditur vetë Trump përmes një postimi, ku njoftoi se emërimi i Miller do të hyjë në fuqi të hënën, më 9 nëntor 2026.
Ai do të zëvendësojë Susie Wiles, e cila deri më tani mbante këtë post dhe që do të kalojë në strukturën politike të Trump.
“Kam kënaqësinë të njoftoj se Z. Stephen Miller, Zëvendës Shefi aktual i Shtabit të Administratës Trump dhe një nga këshilltarët e mi më të besuar, do të bëhet Shefi i Shtabit duke filluar nga e hëna, 9 nëntor 2026. Susie Wiles, e cila ka bërë një punë të shkëlqyer, do të kalojë në Operacionin Politik të Trump. Dua ta falënderoj për shërbimin e saj si Shefe e Shtabit. Ajo ka bërë një punë të shkëlqyer!”, tha Presidenti Trump.
Ndryshimi në drejtimin e stafit të Shtëpisë së Bardhë vjen vetëm pak ditë pas humbjeve të republikanëve në zgjedhjet e mesit të mandatit, ku demokratët rimorën kontrollin e Kongresit amerikan. Susie Wiles ishte gruaja e parë që mbajti postin e shefes së stafit të Shtëpisë së Bardhë dhe një prej bashkëpunëtoreve më të afërta të Trump, duke luajtur një rol të rëndësishëm edhe në fushatën e tij presidenciale të vitit 2024.
Top Channel
