Në kërkim të famës dhe të të ardhurave që jep Google për shikueshmërinë e videove në platformën Youtube, qëlloi për vdekje me armë të dashurin e saj.
Monalisa Perez dhe i dashuri i saj i ndjerë, Pedro Ruiz postonin në Youtube video nga përditshmëria e tyre, deri në qershor të vitit të kaluar, kur videoja e radhës shkoi keq.
Pedro i kërkon të dashurës së tij që ta qëllojë me pistoletë në një distancë prej 30 centimetrash. Në gjoks ai kishte vendosur një libër rreth 4 centimetra të trashë dhe ishte i bindur se plumbi nuk do të depërtonte.
E kundërta ndodhi. Goditja që mori i riu, në atë kohë 21 vjeç ishte fatale. Ai ndërroi jetë pak momente pas plumbit që i depërtoi në gjoks i vrarë nga e dashura e tij, sigurisht pa dashje.
Sot, Monalisa Perez, 20 vjeç u dënua nga një gjykatë në Minesota me 6 muaj burg për ngjarjen e ndodhur thuajse një vit më parë.
Top Channel