E akuzon për spiunazh, Rusia dëbon diplomatin britanik: Ke dy javë kohë të largohesh nga vendi 26/11 13:51
Shtatë vite kanë kaluar që kur konflikti në Siri filloi, duke lënë pas një vazhdë vdekjesh dhe zhvendosjesh.
Labirinti i konfliktit është përhapur në të gjithë vendin me besnikët e qeverisë, militantët rebelë, ekstremistët dhe luftëtarët e huaj që përballen me njëri tjetrin në të gjithë gjatësinë dhe gjerësinë e territorit sirian.
Vëzhguesit thonë se kostoja njerëzore e luftës ka pak ekuivalentë modernë…Rreth gjysmë milioni sirianë janë vrarë dhe 6.1 milionë janë zhvendosur brenda vendit. Nga rrethime që zgjasin prej vitesh e deri tek shkatërrimi i monumenteve historike, pjesa më e madhe e infrastrukturës së njeriut është shndërruar në rrënoja.
Miliona sirianë kanë kërkuar shpëtim në vendet fqinje apo kanë ndërmarrë udhëtimin e rrezikshëm përmes Mesdheut në kërkim të strehimit në Evropë. Nga aktorët globalë që dislokojnë trupa tokësore dhe bombardues, deri tek shtetet që presin të zhvendosur, vetëm një pjesëz e vogël e botës mund të ketë mbetur e paprekur nga lufta në Siri.
Konflikti në Siri nisi në 2011, në vazhdë të pranverës arabe, protestave masive kundër regjimeve autokratike në rajon.
Më 15 mars, mijëra njerëz u mblodhën në qytetet siriane për të kundërshtuar regjimin e Bashar al Asad, në atë që aktivistët e cilësuan Dita e zemërimit. Turmat u shpërndanë dhunshëm dhe demonstruesit u arrestuan.
Tre ditë më vonë, në ditën e dinjitetit, protestat vazhduan në të gjitha qytetet kryesore të Sirisë dhe në Dara’a, të ashtuquajturën djep të revolucionit ku katër demonstrues u vranë nga forcat e sigurisë.
Top Channel
