Varësia nga duhani, studimi: Dëmin e bën edhe një cigare e vetme
30/01/2018 10:26
“Ikën shpirti, zemra, gjithçka”/ Trauma e Neritan Liçajt: Babai nuk jeton më, por ja si flas çdo mëngjes me të… 05/05 09:57
Ulja e numrit të cigareve nuk ndihmon shumë në reduktimin e rrezikut të sëmundjeve të zemrës. Në mënyrë që strategjia të ketë efekt, duhani duhet lënë krejtësisht.
Një studim i publikuar nga e përjavshmja mjekësore britanike “BMJ” tregon se, edhe te njerëzit që nuk kanë tymosur më shumë sesa një cigare në ditë, mundësia e problemeve kardiake është në nivelin 50% dhe 30% më e lartë sesa tek ata që nuk e kanë pirë duhanin.
Me pak fjalë, për grupin e ekspertëve hartues të këtij studimi nuk ekziston një i ashtuquajtur “nivel i sigurtë” i duhanpirjes.
Sëmundjet kardiovaskulare dhe jo kanceri përbëjnë rrezikun më të madh të vdekshmërisë nga duhani, e konsiderohen shkaktare për gati 48% të vdekjeve të parakohshme të lidhura me cigaren.
Rreziku i zhvillimit të sëmundjeve të tilla te personat që pijnë vetëm një cigare në ditë është më i lartë te gratë: 57% është për femrat kërcënimi i sëmundjeve të zemrës dhe 31% ai i hemorragjive cerebrale. Te meshkujt ishte pak më i ulët.
Mesazhi i mjekëve është i qartë: Mos mendoni se shpëtuat. Nëse duhet ta hidhni këtë hap, nuk ka rrugë të mesme, por vetëm të hiqni dorë nga duhani plotësisht.
Top Channel
