Xhakarta, shembet tavani i bursës, dhjetëra të lënduar
15/01/2018 11:54
Lufta në Gaza, presidenti i Kolumbisë njofton shkëputjen e marrëdhënieve diplomatike me Izraelin: Nëse bie Palestina, vdes njerëzimi 01/05 22:54
Shembja e tavanit të një kati të ndërmjetëm të Bursës së Xhakartës ka shkaktuar plagosjen e dhjetëra personave të ndodhur aty.
Plot 72 vetë u lënduan sipas policisë dhe janë duke marrë trajtime në 3 spitale të ndryshme të kryeqytetit indonezian.
Forcat e rendit janë përpjekur t’i largojnë gazetarët nga vendi ku ndodhi shembja. Edhe pse sqaruan se ka nisur menjëherë një hetim, i cili do të zbardhë arsyet e incidentit, autoritetet deklaruan që në fillim se nuk bëhet fjalë për një akt terrorist.
Rrëzimi ndodhi gjatë pushimit të drekës, e kjo bëri që ndërtesa të ishte më pak e populluar sesa zakonisht, megjithatë brenda saj ndodheshin ende me qindra vetë.
Bursa e Xhakartës është një godinë e madhe me dy kulla dhe një lobi të gjerë, ku dyshemeja është prej mermeri. Qeveria indoneziane kërkon prej kohësh të nxisë investimet e huaja, por skenat kaotike të bursës, padyshim nuk përbëjnë aspak imazhin që ajo kërkon të përcjellë nëpër botë.
Top Channel
