Katastrofat atmosferike në SHBA, viti 2017 më i kushtueshmi në histori

Qendra kombëtare për informacion ambiental, një divizion i Administratës Kombëtare Oqeanike dhe Atmosferike, tha se përmbytjet, tornador, uraganët, thatësirat, zjarret dhe ngricat i kanë kushtuar vendit rreth 306 miliardë dollarë, shifër kjo më e larta që kur regjistrimi i të dhënave filloi 123 vite më parë.

Të paktën 362 persona kanë humbur jetën në këto katastrofa. Temperatura mesatare në SHBA në vitin 2017 ishte 12.5 gradë Celsius; 2.6 gradë mbi mesataren.

Të pesta vitet më të nxehta të regjistruara në SHBA vijnë pas atij 2006. Viti nisi dhe përfundoi me rreth çerekun e shteteve amerikane në thatësirë. Kjo e fundit ka vijuar gjatë të gjithë vitit dhe muaji i kaluar ishte dhjetori më i thatë në rreth 3 dekada.

Zjarret në perëndim kanë shkaktuar më shumë se 18 miliardë dollarë dëme, tri herë më shumë sesa rekordi i mëparshëm. Ndërsa humbjet nga uragani “Harvey” ishin më shumë se 125 miliardë dollarë, e lihen pas vetëm nga ato të shkaktuara nga uragani “Katrina” në vitin 2005.

Uraganët “Maria” dhe “Irma” shtuan edhe 90 e 50 miliardë dollarë respektivisht në bilancin e dëmeve. Përveçse në SHBA, viti 2017 ishte edhe viti i tretë më i nxehtë i regjistruar ndonjëherë në planet.

Top Channel