Plehrat pushtojnë Romën në festat e fundvitit (Foto)

29/12/2017 22:24

Male mbeturinash janë ngritur nëpër Romë që pas natës së krishtlindjes, me disa banorë që kanë filluar ti djegin ato në shenjë proteste ndaj administratës lokale që nuk ka mundur të përmbushë premtimin për të sistemuar plehrat e qytetit.

Skena me kazanë plehrash të tejmbushur dhe me thasë të carë me mbeturina, dominojnë në medien sociale, ndërsa mbledhja e tyre nga kompania e shërbimeve publike është penguar nga ditët e pushimit dhe nga reshjet e dendura.

Sipas banorëve të Romës, kjo situatë tashmë është kronike, në këtë periudhë të vitit dhe situata po vjen duke u përkeqësuar. Roma qeveriset nga lëvizja ‘5 yjet’, që kryeson në sondazhet e opinionit publik para zgjedhjeve të përgjithshme që do të mbahen më 4 mars, me Virxhinia Raxhin në postin e Kryebashkiakes që nga qershori 2016.

Zgjidhja e krizës së plehrave, ishte një nga premtimet kryesore të saj gjatë fushatës elektorale, por një plan i publikuar në prill, deri tani ka rezultuar i pafrytshëm. Lagjet që janë në një distancë më të madhe nga qendra e qytetit, që zakonisht mbahet më mirë për shkak të numrit të vizitorëve që tërheq, janë prekur më shumë ditët e fundit.

Ndërkohë në Ostia, një periferi buzë detit, banorët kanë filluar të djegin koshat e mbeturinave. Pavarësisht raporteve për disa zona të pastruara të premten, situata pritet të mbetet kritike përgjatë gjithë periudhës së festave të fundvitit.

Rreth 70 mijë tonë mbeturina në vit nga Roma, dërgohen në një impiant përpunimi plehrash në Austri. Toskana po ashtu mban një pjesë të peshës ndërsa një marrëveshje e mundshme me rajonin e Emilia Romanas është në rrezik, për shkak të marrëdhënieve jo të mira me administratën e Romës.

FOTO GALERI

1/6

Waste on the Via del Corso in Rome city center during Garbage collectors strike today throughout Italy in support of the dispute for the contract renewal. The workers conducted a protest outside the headquarters of Utilitalia, the association representing the energy and environmental water companies on May 30, 2016 in Rome, Italy. The adherence to the strike was 90% of the 7,800 employees of Ama (Municipal Environment Company Rome) and across Italy where there are about a hundred thousand workers. (Stefano Montesi/Corbis/Getty Images)

Top Channel