Dyshohet se rrëmbeu gruan e tij, FBI: Arrestohet në Florida burri i amerikanes që u zhduk teksa ndodhej në Spanjë 07/05 20:55
Autoritetet në Australinë Perëndimore kanë sekuestruar një sasi rekord prej 1.2 tonë ngarkese metamfetamine. Lajmi publikohet nga vet Policia federale austriale, përmes një komunikate.
Ngarkesa e metamfetaminës, me një vlerë prej 1.04 miliardë dollarësh australianë (800 mln USD) është më e madhja e historisë australiane dhe besohet të ketë ardhur nga Kina.
Sekuestrimi ka kërkuar muaj të tërë pune dhe bashkëpunimi të disa agjencive australiane.
Pasi u transferua nga një anije larg bregdetit, sasia e drogës dyshohet se është shkarkuar nga një mjet lundrues “Valkoista”, në orët e para të mëngjesit të së enjtes, e më pas po ngarkohej në një kamion të bardhë të marrë me qira në Portin e Geraldtonit, 400 km në veri të Perthit.
Agjentët ndërhynë në të njëjtën kohë në kamion dhe anije, duke arrestuar 6 australianë. Dy shtetas të tjerë nga Australia u arrestuan në një hotel në veri të Perthit, në vazhdën e operacionit. Të 8 ata janë akuzuar me “import ose zotërim të një sasie droge me qëllim tregtimin e saj”, subjekt i kontrolleve në kufi. Të dyja akuzat, nëse do të vërtetohen për ta, çojnë deri në burgim të përjetshëm.
Operacioni që ka zgjatur 6 muaj është fokusuar te një grup i krimit të organizuar që operonte në vend. Plot 20 mandate kontrolli janë lëshuar në 3 shtete të ndryshme, që kanë kontribuuar në këtë hetim.
Policia sekuestroi 59 çanta me metamfetaminë, së cilës i referohene dhe si “akull” në Australi, secila me peshë 20 kg nga kamioni, sikurse edhe një çantë tjetër me peshë 20 kg nga mjeti lundrues “Valkoista”.
Top Channel
