Pas skandalit me bankën virtuale që i humbi paratë qindra qytetarëve, jep dorëheqjen presidenti i Paraguait

Në një mesazh video, Presidenti Peña tha se vendosi të jepte dorëheqjen “duke pasur parasysh stabilitetin e vendit, paqen sociale dhe nevojën për të ruajtur institucionet demokratike”.

Konservatori Santiago Peña, një aleat i Presidentit të SHBA-së, Donald Trump, dha dorëheqjen pasi opozita thirri një seancë emergjente për të paraqitur një kërkesë në parlament për të shkarkuar kreun e shtetit.

Mensaje del Presidente de la República, Santiago Peña, al pueblo paraguayo. https://t.co/RBz6IfFV9L

— Santiago Peña (@SantiPenap) November 5, 2026

Sot, Peña humbi mbështetjen edhe të anëtarëve të partisë konservatore. Zëvendëspresidenti Pedro Aliana pritet ta zëvendësojë atë.

Ligjvënësit e akuzuan Peñan për konflikt interesi, keqpërdorim të fondeve të pensioneve dhe mbulim institucional të rënies së Ueno, e cila ishte rritur me shpejtësi nga një platformë e specializuar fintech në një bankë që menaxhonte 850 milionë dollarë fonde publike. Santiago Peña, 47 vjeç, ishte i lidhur me bankën, pasi kishte aksione në një grup holding që kontrollonte Ueno Bank deri në vitin 2025.

“Dëshira ime kryesore është të siguroj kthimin e këtyre fondeve, të sigurohem që fondi i garancisë së depozitave të përmbushë qëllimin e tij dhe të mbroj fondet dhe burimet publike që u përkasin të gjithë paraguaianëve”, tha Peña në fjalimin e tij.

E përballur me një krizë të aftësisë paguese, Ueno Bank u vu nën kontrollin e bankës qendrore të Paraguait dhe u vendos në likuidim me qëllim “të mbronte depozituesit dhe të siguronte stabilitetin e sistemit financiar”. Ky zhvillim shkaktoi një krizë serioze pasi gati 3 milionë klientë të Ueno u privuan nga qasja e menjëhershme në llogaritë e tyre.

Top Channel