Biznesmeni organizon “festën e vdekjes” me mbi 1 mijë të ftuar

13/12/2017 17:03

Disa javë më parë u diagnostikua me një formë agresive të kancerit në gjak dhe mes kimioterapisë dhe efekteve anësore të saj dhe përqafimit të vdekjes, zgjodhi këtë të dytën.

Biznesmeni japonez, Satoru Anzaki u diagnostikua me sëmundjen e rëndë në muajin tetor. Mjekët i këshilluan 80-vjeçarit kimioterapinë, por duke e paralajmëruar atë edhe për efektet anësore të saj.

Anzaki zgjodhi vdekjen dhe për “të festuar” funeralin e tij, nxorri një njoftim në gazetën më të madhe financiare në botë “The Nikkei”, ku ftonte miq, bashkëpunëtorë në biznes e dashamirës që t’i bashkoheshin në festën e vdekjes.

Mbi 1 mijë persona iu përgjigjën pozitivisht ftesës së bërë dhe në fjalimin para tyre, 80-vjeçari japonez nuk shprehu asnjë keqardhje.

“Jam i kënaqur sepse mund t’u them të gjithëve me fjalët dhe zërin tim faleminderit. Faleminderit gjithë njerëzve që kam takuar në jetën time. E kam shijuar jetën dhe dëshpërimi e brenga nuk bëjnë pjesë tek karakteri im. Jam i lumtur!”, ishte mesazhi i përcjellë prej tij.

Top Channel