Vietnam, viktima e dëme nga tajfuni “Damrey”
04/11/2017 17:47
Humbja e konservatorëve britanikë në zgjedhjet lokale vlerësohet historike 03/05 21:02
Tajfuni “Damrey” i kushtoi jetën të paktën 19 personave në Vietnam, ku ka shkaktuar dëme të mëdha, sidomos në zonat qendrore dhe jugore të vendit.
Meteorologët thanë se stuhia e fuqishme solli reshje të dendura dhe erëra me shpejtësi deri në 100 km në orë, të cilat kanë lënë shumë shtëpi pa çati dhe kanë rrëzuar qindra shtylla elektrike e pemë.
Autoritetet e vendit komunist thanë se, të paktën 12 persona janë shpallur të humbur dhe me qindra ndërtesa janë shkatërruar plotësisht, si pasojë e përmbytjeve të shkaktuara nga stuhia.
Mbi 33 mijë njerëz janë evakuuar, ndërsa vijojnë operacionet e kërkim-shpëtimit. Stuhia ka shkaktuar telashe edhe në det, ku mësohet se ka fundosur 6 anije me rreth 60 njerëz në bordin e tyre. Raportohet se 25 persona janë shpëtuar, ndërsa nuk ka informacione për fatin e të tjerëve.
Top Channel
