Hipopotami ia mbath nga kopshti zoologjik, por rikthehet sërish
02/11/2017 18:45
Prindër për herë të dytë? Shpat Kasapi surprizohet nga partnerja e veshur nuse: Do ta lija… 28/04 16:10
Një hipopotam femër tentoi dhe arriti që t’ia mbathë nga një kopsht zoologjik në Izrael, por duket se, pasi shijoi lirinë jashtë mureve, u pendua dhe u kthye sërish brenda.
Kamerat e sigurisë filmuan hipopotamin masiv që doli nga dera e hapur e kopshtit zoologjik, ndërsa roja e natës shikonte i habitur atë që po ndodhte.
Zor se dikush do t’i dilte përpara një hipopotami për t’i zënë rrugën, por sidoqoftë, kjo nuk ishte e nevojshme, sepse kafsha gjigante u kthye vet brenda, pas disa minutash në rrethimin e saj në kopshtin zoologjik të qytetit Ramat Gan.
Kujdestarët e kafshëve në kopshtin zoologjik thanë se hipopotami, gjatë kohës që kaloi jashtë mureve u ushqye me barin e lulishteve, një faktor që mbase mund të ketë ndikuar që të ndryshojë mendimin.
Sigurisht që zhurma e trafikut, dritat e makinave dhe ndërtesave, si dhe mungesa e ujit mund të kenë luajtur rolin e tyre, gjithsesi, duke vërtetuar se mbase rehatia dhe ushqimi i mirë justifikojnë edhe humbjen e lirisë.
Top Channel
