Java pariziene e modës, koleksioni i Westwood
01/10/2017 00:00
Parashikimi i frikshëm i Baba Vangës pas rritjes së tensioneve në Lindjen e Mesme: Lufta e Tretë Botërore do të nisë në…. 18/04 14:08
Ka qenë radha e ekstravagantes Vivienne Westwood të zbarkonte në javën pariziene të modës, e koleksioni i saj “pranverë-verë 2018” solli, ashtu siç pritej, një shkulm ngjyrash dhe formash eksperimentale.
Përmes këtij koleksioni, drejtori kreativ Andreas Kronthaler, njëkohësisht bashkëshort i Westwood, ka kërkuar të rrëfejë rrënjët e tij falë ndihmës së ngjyrave dhe linjave të përdorura.
Modelet zbritën në pasarelë me buzë të njollosura nga buzëkuqi, flokët të ngjitura në fytyrë e disa mbanin madje edhe struktura që ngjasonin me varëset e perdeve.
“Frymëzimi për këtë koleksion buron nga origjina ime. Kur jep diçka nga vetja, kur krijon diçka qoftë edhe në një nivel shumë personal, është si një udhëtim i vogël që ti ndërmerr. E unë arrita diku”, tha Andreas Kronthaler, drejtor kreativ.
Kronthaler dhe Westwood kanë bashkëpunuar për më shumë se 25 vite, megjithatë koleksionin e parë të përbashkët e prezantuan vetëm marsin e vitit 2016, nën titullin “Sexercise”.
Top Channel
