Durrës, prokuroria apelon lirimin e Hatijës
12/07/2017 00:00
.jpeg)
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Prokuroria e Durrësit ka apeluar mesditën e së mërkurës vendimin e Gjykatës së Durrësit, e cila më herët liroi të shtetasin Alket Hatija, i arrestuar për qëllime ekstradimi në Itali.
Në ankesën e saj prokuroria e cilëson vendimin e gjykatës krejtësisht të pabazuar dhe të mbështetur në fakte që nuk ekzistojnë.
Sipas akuzës, të gjitha procedurat e ndjekura, që nga shpallja në kërkim, arrestimi dhe deri tek kërkesa për caktim mase sigurie me qëllim ekstradimin janë konfrom ligjit.
Për këtë arsye Prokuroria e Durrësit i kërkon gjykatës së Apelit që të rrëzojë vendimin e shkallës së parë dhe të caktojë masën e sigurisë “arrest me burg” për Alket Hatijan, deri në përfundimin e procedurave të ekstradimit.
Hatija u arrestua një ditë më parë në bazë të një urdhër-arresti ndërkombëtar të lëshuar nga drejtësia italiane, që e ka dënuar në mungesë me 20 vite burg për trafik narkotikësh në sasi të mëdha.
Top Channel
