Lushnje, asgjësohen 2074 bimë kanabis
10/06/2016 08:10
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Policia ka njoftuar asgjësimin e 2074 bimëve kanabis sativa në Lushnje, në kuadër të operacionit të koduar “Burimi i Caushit”. Në fshatin Çiflik u gjetën edhe 198 fidanë në kubik. Shpallen në kërkim dy kultivuesit: N.N, 47 vjeç, banues në lagjen “Xhevdet Nepravishta” të Lushnjes dhe Y.P., 54 vjeç, banues në lagjen “18 Tetori” të Beratit.
Nga veprimet e kryera rezultoi se shtetasit N.N dhe Y.P, në bashkëpunim me njëri-tjetrin, i kanë kultivuar bimët narkotike në tokën në pronësi të shtetasit N.N.
Ndërkohë, Policia e Mallakastrës ka arrestuar në flagrancë 47-vjeçarin Bashkim Sulaj, banues në Fier. Arrestimi i këtij shtetasi u bë pasi në lagjen “Llakaj” të fshatit Çorrush, në ullishten në pronësi dhe pranë banesës së shtetasit Bashkim Sulaj, u gjetën dhe asgjësuan 640 bimë narkotike kanabis të mbjella në 19 arka felizoli.
Top Channel
